Fatkeqësitë natyrore zakonisht nuk varen nga ne, por ne së bashku kemi përgjegjësi të ndërtojmë sistem të masave që do t'i bëjnë më resistente shtetet tona dhe bashkësitë vendore sa i përket pasojave, tha ministri i Vetëqeverisjes Lokale Risto Penov në konferencën e organizuar nga UNDP, me rastin e 60 vjetorit të tërmetit në Shkup.

 -Nëse nuk mund të ndikojmë në shkakun, sigurisht që mund të ndikojmë në minimizimin e pasojave. Por vetëm përmes një sistemi të ndërtuar masash që do të respektohen pa kushte nga të gjithë. Çdo lëshim mund të paguhet me jetë të njerëzve, ndërsa jeta e njeriut nuk ka çmim. Kujtimet le të ngelin mësim për ne sepse natyra mund të jetë e pamëshirshme. Prandaj, si individ duhet të jemi solidarë, mirënjohës dhe shumë më të përgjegjshëm, për ne dhe për brezat e ardhshëm që një ditë, si ne tani, do të tregojmë se çfarë bëmë për ta.

                Sipas ministrit Penov, është e kuptueshme që Shkupi të jetë nikoqir i një ngjarjeje të tillë dhe në këtë mënyrë edhe një herë të shprehim mirënjohjen tonë për ndihmë  dhe përkrahjen e madhe para 60 viteve më parë.

 -Më 26 korrik 1963, në orën 5:17 të mëngjesit, vetëm 20 sekonda ishin fatale për shkakun e 1070 jetëve të humbura në të njëjtën ditë, rreth 3000 të plagosur, 15800 shtëpi të rrënuara . Për vetëm 20 sekonda, 85% e objekteve në Shkup janë rrënuar apo dëmtuar. Këto nuk janë vetëm numra, janë fate njerëzore, familjet e të cilëve ende e kujtojnë me dhimbje atë ditë të tmerrshme, tha ai.

                Penov theksoi se pas Rezolutës së Kombeve të Bashkuara, 85 shtete të botës morën pjesë në ndihmën direkte për rindërtimin e Shkupit.

 – Shkupi me të drejtë mban epitetin “qyteti i solidaritetit botëror”. Shkupi nuk harron. Prandaj kemi emërtime të rrugëve si, Helsinki, Kajro, Oslo, shkolla fillore Johan Heinrih Pestaloci.

Shkupi, pas tërmetit, me ndihmën e madhe ndërkombëtare, të organizuar nga Kombet e Bashkuara, filloi ringjalljen e tij, në qytet modern dhe urban.

                Penov theksoi se në rindërtimin e Shkupit morën pjesë shumë sizmologë, hidrologë, urbanistë dhe arkitektë nga e gjithë bota.

 - Nga këta profesionistë, OKB-ja formoi grupin përgjegjës për hartimin e planit të ri urbanistik të Shkupit. Është bërë shumë. Sot Shkupi vërtet është  qytet i bukur dhe modern, i cili ka nevojë për më shumë kujdes dhe përkushtim nga të gjithë, nga institucionet kompetente dhe nga qytetarët.